Neëske

Refrein
Ich han ee neëske vuur ee gleëske
egaal went ’t óch mar kling is
ich han ee neëske vuur ee gleëske
sjpesiaal went óch get drin is
da goan ich ’t eëve heëve
en dan ee mülke geëve
doa is zoeë gleëske vuur
doa han ich ee neëske vuur.

Kouplet 1
Ee sjlüksjke noe en dan
neet deks en neet te vöal
zoeë preufs te good d’r van
en kums óch noeëts in d’r öal
dat mos te eëve wete
um gans good te genete….

Kouplet 2
Ing egensjap van glas
die gans gewichtig is
zoeë gleëske dat mak sjpas
weil ’t durchzichtig is
kans zieë dat nog get drin is
wat mich gans noa d’r zin is…..